Një sasi lëndë plasëse është gjetur poshtë një automjeti në qytetin e Burrelit. Automjeti është në pronësi të shtetasit E.P.
Policia njofton se forcat xheniere po kryejnë veprimet për heqjen e pakos dhe verifikimin e saj.
“Me datë 06.01.2025, rreth orës 10.50, në lagjen “Pjetër Budi”, poshtë automjetit të parkuar në pronësi të shtetasit E.P., ështe konstatuar një pako, e dyshuar me lëndë plasëse.
Forcat xheniere po kryejnë veprimet për heqjen e pakos dhe verifikimin e saj.”- njofton policia.
Ndërkohë grupi hetimor nën drejtimin e Prokurorisë po punon për zbardhjen e ngjarjes, identifikimin dhe kapjen e autorëve.
