Sekretarit të Përgjithshëm të Partisë Demokratike, Flamur Noka i kanë hakëruar dhe “vjedhur” faqen e tij në Facebook.
Në një postim të publikuar orët e fundit në faqen e Facebook, Noka ka dalë nga “linjat” politike ose më saktë personi i cili i ka vjedhur llogarinë duke nisur reklamimin e Forex Trading.
Në postim shkruhet se Noka nga investimi në Forex Trading ka marrë një fitim 10 mijë euro duke investuar 800 euro. Më tej shkruhet se ai falenderon Cristina Andres që i dha të gjithëve mundësinë që të përfitojnë nga ky investim ndërsa ndahet edhe një numër kontakti. Gjithashtu në postim hakëruesi ka bërë thirrje ndjekësve të nisin të investojnë.
Lidhur me postimin janë publikuar edhe disa foto të cilat janë të montuara dhe për ta bërë më të besueshme reklamimin ku janë vendosur edhe foto të Nokës ngjitur me llogaritë bankarë ku shfaqet shifra e përfituar.
Postimi në Facebook-un e Flamur Nokës:
“Mbrëmje Familja dhe Miqtë Jam shumë e emocionuar që shoh shumë miq dhe familje duke përfituar nga investimi i Forex Trading dhe po shfrytëzoj rastin për t’i thënë një falënderim të madh zonjës Cristina Andres që i dha të gjithëve këtë mundësi të mrekullueshme dhe me të vërtetë dua që të gjithë të përfitojnë nga ky investim.
Kam investuar 800 € dhe kam marrë një fitim prej 10,000 € direkt në llogarinë time bankare në vetëm 2 orë, nëse jeni të interesuar gjithçka që duhet të bëni është t’i dërgoni asaj një mesazh në ëhatsApp për të filluar të investojë tani. këtu është numri i saj në WhatsApp wa.me/14424074209″
