Armando Broja spikati sot për Evertonin kundër Manchester City-t (1-1) duke bërë një paraqitje pozitive edhe pse minutat për të ishin të kufizuara.
Sulmuesi i Shqipërisë u aktivizua në minutën e 70-të nga trajneri Sean Dyche dhe ishte protagonist në aksionet e rrezikshme që Evertoni nisi.
Dy episode në veçanti ishin interesante për Brojën. Fillimisht Phill Foden që u detyrua ta ndalë me faull në shtesë. 23-vjeçari shqiptar bëri një rrotullim të zgjuar me top duke nxjerrë blof mbrojtësin anglez i cili për ta ndaluar e tërhoqi nga të mbathurat për të cilin dhe u ndëshkua me karton të verdhë.
Në anën tjetër dhe episodi i minutës së fundit që mund t’i jepte fitoren Evertonit dhe ishte Broja që krijoi gjithçka me kundërsulm.
Kujtojmë se Evertoni ndodhet në vendin e 15-të. Në anën tjetër City i Guardiolës mban vendin e gjashtë pas 18 javësh dhe rrezikon ta humbë në përfundim të sfidave të tjera.
