Lidhur me shpërthimin e ndodhur pak ditë më parë në Tiranë, në katin e 9-të të një pallati në rrugën “Sadik Petrela”, grupi hetimor ka vërtetuar se lënda plasëse është hedhur me dron, i cili gjithashtu ka shpërthyer.
Ende policia nuk ka arritur të identifikojë autorët, por është duke bërë ekspertizën e mbetjeve të dronit për të rënë në gjurmët e personave që kanë lëshuar dronin.
Sa i përket Elena Arzës, që kishte marrë apartamentin me qira në fund të korrikut të këtij viti, ende nuk është marrë në pyetje, pasi policia nuk ka mundur ta gjejë.
Shënjestër e këtij atentati dyshohet se ka qenë Benard Sinomati.
Në dëshminë para hetuesve, pronari i banesës ka pohuar se apartamentin ia kishte dhën më qira një çifti, ndërsa ai vetë nuk kishte asnjë konflikt.
Sinomati dhe Arza dyshohet se lanë larguar nga banesa disa minuta pas shpërthimit.
