Mospastrimi i dëborës në Qafen e Thores e deri në Theth, ka sjellë bllokimin e kësaj pike turistike.
Pamjet që shihni në foton e mësipërme vijnë nga mbrëmja e sotme nga banorët e Thethit. Mësohet se lëvizja aktualisht mund të kryhet vetëm nga mjetet e larta ndërsa për makinat e tjera është e pamundur.
Trashësia e dëborës arrin në 50 cm dhe borëpastrueset kanë pastruar nga Boga deri në afërsi të Qafë Thores e më pas janë larguar.
Bllokimi i pikës turistike ka sjellë edhe anulimin e rezervimeve për festën e Krishtlindjes.
