Drejtuesit e Monza-s nuk humbasin kohë për të emëruar trajnerin e ri pas shkarkimit të Alessandro Nestës. Në një njoftim të klubit lombard, zyrtarizohet në postin e trajnerit Salvatore Bocchetti.
“AC Monza njofton se Salvatore Bocchetti është trajneri i ri i skuadrës së parë kuqebardhë, me një kontratë deri më 30 qershor 2027.”
Kështu bëhet zyrtare firma e ish-mbrojtësit si trajner i ri i klubit. Bocchetti e gjen Monza-n në vendin e fundit në renditje me vetëm 10 pikë të grumbulluara në 17 ndeshje kampionati (fitorja e fundit daton më 21 tetor): 11 pikë më pak krahasuar me një vit më parë, gjë që e ka bërë të nevojshme një ndryshim drejtimi në stolin e klubit.
Sa për kuriozitet, ish-mbrojtësi e njeh Adriano Gallianin që nga periudha e Milanit, pasi ka veshur fanellën kuqezi në vitin 2015, kur erdhi në huazim nga Spartaku u Moskës për gjashtë muaj.
AC Monza comunica che Salvatore Bocchetti è il nuovo allenatore della Prima Squadra biancorossa, con un contratto fino al 30 giugno 2027. pic.twitter.com/rs1x5JtVzw
— AC Monza (@ACMonza) December 23, 2024
