Policia e Poliçanit, në bashkëpunim me Seksionin për Hetimin e Narkotikëve në DVP Berat, ka arrestuar në flagrancë një 35-vjeçar për kultivim dhe prodhim të lëndës narkotike kanabis, si dhe për ushtrim dhune ndaj bashkëjetueses së tij.
Shtetasi A.L., banues në Poliçan, u ndalua pas hetimeve të nisura nga informacionet e marra në rrugë operative. Gjatë kontrollit të banesës dhe zonës përreth saj, policia gjeti dhe sekuestroi 2.2 kilogramë lëndë narkotike të dyshuar si kanabis sativa.
