Teksa ish-partnerja e tij Kimberly Guilfoyle përgatitet të shkojë në Greqi si ambasadore, Donald Trump Jr dhe partnerja e tij e re, Bettina Anderson, po shijojnë disa ditë pushimi në Venecia. Partnerja e tij ka ndarë edhe disa foto në rrjetet sociale ku shfaqet me djalin e presidentit të zgjedhur.
Ishte media rozë Page Six që raportoi ekskluzivisht se Trump Jr ishte ndarë nga e fejuara e tij, ish-prezantuesja e Fox News Kimberly Guilfoyle.
Në të njëjtën ditë që mediat e njohura raportuan për ndarjen, Presidenti i zgjedhur Trump emëroi Guilfoyle si ambasadoren e tij të SHBA në Greqi, në pritje të miratimit nga Senati.
“Nuk mund të jem më krenar për të dhe për rolin e rëndësishëm që ajo do të vazhdojë të luajë në administratën e babait tim”, u shpreh ai në atë kohë pa dhënë detaje për shkaqet e ndarjes së çiftit.
