Është gjetur pasuesi i Sergio Pérez-it te Red Bulli: ekipi njoftoi se do të jetë i riu Liam Lawson, 22 vjeç, pilot i dytë për sezonin e vitit 2025, dhe shoku ri i kampionit të botës, Max Verstappen.
Neozelandezi është pjesë e RB që nga shtatori dhe ka përvojë me ekipin junior.
“Është një ëndërr që bëhet realitet për mua të shpallem piloti i Red Bull. Është diçka që kam dëshiruar dhe për të cilën kam punuar që nga mosha tetë vjeç. Ka qenë një udhëtim i jashtëzakonshëm deri tani. Dua të falënderoj shumë ekipin e VCARB për mbështetjen e tyre, gjashtë garat e fundit kanë luajtur një rol të madh në përgatitjen time për këtë hap të ri,” tha piloti për faqen e ekipit.
“Jam shumë i emocionuar që do të punoj me Max dhe të mësoj nga një Kampion Bote, nuk kam dyshim që do të mësoj shumë prej tij. Po pres me padurim të filloj!” përfundoi ai.
