Futbollisti dhe futbollistja më e mirë në botë do të shpallet sot (e martë) nga FIFA në një ceremoni që do të mbahet në Doha të Katarit dhe tani teksa kanë mbetur pak orë para fillimit të saj, fituesi i këtij çmimi tek meshkujt është bërë i ditur.
Teksa ylli i Manchester Cityt, Rodri, fitoi “Topin e Artë” në tetor, FIFA do t’ia japë këtë çmim rivalit të tij këtë mbrëmje, pikërisht Vinicious jr.
Çmimi ‘The Best’ është dhuruar nga FIFA që nga 2018 si pjesë e një plani nga organi qeverisës për të krijuar një çmim brenda organizatës.
Rodri e mposhti Viniciusin në garën për “Topin e Artë” këtë vit dhe kjo shkaktoi zemërim tek lojtari dhe Real Madridi, të cilët eventualisht e bojkotuan ceremoninë.
Sidoqoftë nuk do të ketë bojkotim këtë mbrëmje, pasi Vinicius pritet që ta fitojë çmimin si futbollisti më i mirë në botë nga FIFA.
Media braziliane “Ge Globe” ka raportuar se Vinicius ka fituar këtë çmim para Rodrit dhe nëntë futbollistëve tjerë të nominuar: Dani Carvajal, Erling Haaland, Federico Valverde, Florian Wirtz, Jude Bellingham, Kylian Mbappe, Lamine Yamal, Lionel Messi dheToni Kroos.
