Drejtori ekzekutiv i Real Madridit, Jose Angel Sanchez, ka sulmuar UEFA-n, duke i krahasuar ata me ‘muzikantët e Titanikut’ mes planeve për të vazhduar punën për formimin e Superligës.
Sanchez beson se një kompeticion i kontrolluar nga klubet do të trajtonte më mirë pabarazinë financiare dhe konkurruese që mundon lojën e bukur.
Ai tha për GOAL:
“Nëse duam të ruajmë pozitën udhëheqëse të futbollit në industrinë e sportit dhe argëtimit, ne duhet të ndryshojmë sistemin. Organet aktuale qeverisëse janë si muzikantët e Titanikut, të cilët vazhduan të luanin edhe kur anija u fundos.
“Sistemi siç e njohim ka përfunduar dhe duhet t’i organizojmë gjërat ndryshe në industri. Ky ishte objektivi që qëndronte pas idesë së Superligës dhe është edhe më urgjente tani”.
