Pasi deklaroi në “Shihemi në Gjyq” se bashkëshortja, Drilona i tha që mjeku i kishte rekomanduar të shtrohej në spital, Saimiri rrëfeu në rubrikën e së “Dielës Shqiptare” në Tv Klan se ajo është kthyer në shtëpi pas 12 ditësh.
Ai kishte verifikuar që në të vërtetë Drilona nuk kishte qenë as në spital e as te ndonjë mjek dhe i lindën dyshimet për tradhti. Për hir të fëmijëve, vendosi që ta kapërcente këtë situatë, por problemet mes tyre nuk u ndalën.
Një nga shkaqet e konflikteve ishin edhe rrjetet sociale, përkatësisht TikTok-u. Ai thotë se Drilona kishte mijëra ndjekës, por jo të shoqin e madje refuzonte që të ndiqeshin në rrjete sociale.
Saimir: U kthye e gjeta te shtëpia, thashë nuk i luaj më gjërat për hir të fëmijëve, mos të prishet familja. I pranova të tëra fajet, të gjitha, thashë mos ta shtyj më tutje, për hir të kalamajve! Mirëpo ajo ishte me 5 minutësha, një herë mirë, një herë keq, nuk shtyhej më. Nja 3-4 ditë ndenji mirë ajo, e qetë, nuk po ndihej, vetëm thoshte “ti ke thënë kështu nga prindërit, ke shkuar a s’ke vajtur këtu”, i thashë po të vëtrtetën thashë se nuk e di ku je ti, ku ke qenë.
Eni Çobani: Pra ti i kishe pyetur prindërit e saj?
Saimir: Po edhe ata se nuk kisha asnjë lloj adrese, keni ndonjë kontakt, se s’kisha asnjë kontakt. Kalojnë nja 2-3 ditë, pastaj filloi me acarime shumë të këqija. Filloj pastaj jo “vrit veten”, jo “do të gjej unë një tjetër ta puth në syrin tënd që ti të largohesh, ik vrit veten” më thoshte, ose “ik dil që këtu nga shtëpia ose do iki unë!” Kështu thoshte.
Eni Çobani: Si vendose? Ti ke ardhur këtej dhe rri te Llania.
Saimir: Erdhi i vëllai. Ai rri në Nuremberg, vëllai i saj i madh. I shkruajta unë, i thashë merre byrazerkën tënde se nuk është në qetësi, merre të qetësohet, “mos ki merak”, tha “se do ta rregullojmë gjendjen”. Pasdite ai më shkruan mua “do të vij aty”. Vjen ai, na çon në një lokal dhe filloi kjo e TikTok-ut. Na tha ai “edhe unë kam familje, kam grua, ka rrjete sociale e të gjitha dhe gruaja ime të ketë nga 3000 e ca vetë shokë dhe mos të ketë burri, çfarë do të thuash ti? Është e pamundur”.
Eni Çobani: Pra do të thotë që Drilona ka rrjete sociale…
Saimir: Po, po.
Eni Çobani: Dhe juve nuk ju ka mik?
Saimir: 3000 e ca dhe mua s’më ka. Mua s’më pranonte!
Eni Çobani: I ke çuar kërkesë ti, ftesë?
Saimir: Po kërkesë se ia çoja me telefon dhe shkoja i thosha me gojë ma prano çikë ftesën.
Eni Çobani: Dhe nuk ta pranoi?
Saimir: “Të vdesësh” thoshte!
