Videoja që pushtoi rrjetin këtë fundjavë ishte ajo e Parashqevi Simakut në rrugët e New York duke pranuar ndihma sociale. Edhe pse pamja ishte e trishtë, admiruesit e saj u ngazëllyen teksa e panë që ajo ndodhej diku e menjëherë u mobilizuan për ta ndihmuar.
Në programin “Rudina” në Tv Klan, Rezarta Delisula thotë se mes gazetarëve, kishte indicie se Simaku ndodhej në një gjendje të tillë, por kishte qenë e pamundur të gjendej vendndodhja e saj.
Gazetari Olti Curri shton se ajo qëndronte përballë një dyqani të famshëm kafeneje ku kishte kujtime me të birin.
“Rrinte në një “Starbucks” pasi aty kishte pasur kujtime edhe me djalin e saj dhe rrinte në një “Starbucks” në Manhatan dhe rrinte përballë atij dyqanit të kafes vetëm me shpresën se mos… kjo tregon edhe njëherë destabilitetin e saj emocional apo psikologjik, kjo është një gjë që do ta thonë psikiatrët apo psikologët.”- tha Olti Curri.
