Një javë më parë, e gjithë Turqia ishte në këmbë kundër Rey Manajt. Një faull në fundin e ndeshjes mes Sivasspor dhe Galatasaraj nga sulmuesi shqiptar nuk u ndëshkua me kartonin e kuq për të dhe në Turqi nisi një histeri kolektive që përfshiu edhe drejtues klubesh e përfaqësues të federatës.
Manaj u akuzua se kishte dëmtuar me qëllim Baris Alper Yilmaz me ndërhyrjen e tij teksa pas ndeshjes kishte kritika pa fund, duke aluduar se i kishte rrezikuar karrierën lojtarit të kombëtares turke.
Reagimet e Galatasarayt ndezën aq shumë situatën, sa që në rrjetet sociale nuk munguan edhe kërcënimet me jetë ndaj sulmuesit shqiptar.
Por si për çudinë e të gjithë, Yilmaz, nga një lojtar i cili diskutohej se do të humbte muaj të tërë nga dëmtimi, sot është shfaqur titullar në ndeshjen e Galataray-t ndaj Trabzonspor.
Me pak fjalë, gjithçka ishte një shfaqje e turpshme mediatike nga ana e Galatasaray, që solli histerinë kolektive të padrejtë ndaj Manajt, të cilit shumëkush i detyrohet disa ndjesa në Turqi.
