La fushën e lojës i dëmtuar, klubi italian tregon gjendjen e Shpendit |

Lexo edhe:

Video/ Dëmtohet Kristian Shpendi, sulmuesi shqiptar lë fushën e lojës mes lotëve

Reali konfirmon dëmtimin e Mbappes, ja sa do të mungojë ylli francez

Kristian Shpendi ka qenë i pafat, teksa ka lënë ndeshjen e Serisë B, Çezena-Kozenca, pa u mbushur 30 minuta lojë, në sfidën e së shtunës.

Gjatë një dueli ajror, sulmuesi i cili aktualisht është golashënuesi më i mirë i kampionatit me 10 gola të shënuar, ra keq dhe dëmtoi kaviljen e majtë.

Kristiani u detyrua të largohej nga fusha i përlotur, mes duartrokitjeve të tifozëve. Ndërkohë pas ndeshjes klubi i Çezenës lëshoi komunikatën zyrtare për gjendjen e sulmuesit shqiptar.

“Çesena Fc njofton se testet instrumentale të kryera nga Kristian Shpendi në fund të ndeshjes kundër Kozencës përjashtuan praninë e thyerjeve të kockave në kyçin e këmbës së majtë. Në ditët në vijim sulmuesi do t’i nënshtrohet testeve të mëtejshme për të përcaktuar shkallën e saktë të dëmtimit dhe kohën e rikuperimit”.

Ligamentet e kyçit të këmbës së majtë do të duhet të vlerësohen me MRI” – thuhet në njoftim.

Shpresohet që Shpendi të mungojë për dy javë dhe kësisoj të humbasë duelin ndaj Atalantës në Kupën e Italisë si dhe Juve Stabia dhe Kremonese në kampionat.