Një studim i universitetit italian “La Sapienza” ka analizuar ndikimin e rrjeteve sociale në gjuhë gjatë 34 viteve të fundit, duke u bazuar në 300 milion mesazhe dhe komente në gjuhën angleze nga 8 platforma.
Studiuesit vërejtën se përdorimi i teksteve të shkurtra, leksiku i varfër dhe hibridizimi i gjuhëve janë fenomenet më të dukshme, ku gjuha e përdorur shpesh përmban fraza të thjeshta dhe përsëritje.
Ky evolucion gjuhësor pasqyron dinamika të ndryshimeve shoqërore dhe kulturore që ndodhin kur dy ose më shumë gjuhë ndërveprojnë, duke krijuar edhe idioma të reja. Në përgjithësi, mjediset dixhitale kanë ndryshuar normat e komunikimit, duke e bërë gjuhën më të thjeshtuar dhe të përsëritur.
