Një banesë është përfshirë nga zjarri mbrëmjen e kësaj të mërkure në fshatin Markatomaj të Lezhës.
Burime bëjnë me dije se flakët kanë rënë fillimisht në njërën nga dhomat e banesës si shkak i pakujdesisë duke shkaktuar dëme të mëdha materiale.
Fatmirësisht, pjesëtarët e familjes arritet të dilnin në kohë, por nuk arritën ta shuanin zjarrin. Zjarri më pas është përfshirë në të gjithë banesën, duke e shkrumbuar atë. Mësohet se banesa është në pronësi të shtetasit Vasil Kola.
Në vendin e ngjarjes kanë mbërritur forcat zjarrfikëse, të cilat po punojnë për shuarjen e zjarrit.
