Një plagosje me thikë është regjistruar mbrëmjen e djeshme jashtë ambienteve të një lokali në Himarë.
Autoritetet policore raportojnë se shtetasi Dionis Hysenaj, 27 vjeç, banues në Himarë ka plagosur me thikë bashkëshortin e motrës së tij, shtetasin S. Q., 37 vjeç, banues në Librazhd.
Ky i fundit është transportuar në spital, ku ndodhet jashtë rrezikut për jetën. Sipas burimeve zyrtare, sherri mes tyre ka ndodhur për motive të dobëta.
Autori i ngjarjes, shtetasi Dionis Hysenaj është arrestuar pas krimit, ku akuzohet për veprën penale “Plagosja e rëndë me dashje”.
Grupi hetimor po punon për zbardhjen e plotë të rrethanave të ngjarjes, teksa materialet janë referuar në Prokurorinë e Vlorës.
