Futbollisti francez, Ben Yedder, u shpall fajtor pasi u akuzua për abuzim seksual në gjendje të dehur në gjykatën penale në Nice.
Ish-sulmuesi i Sevillas, Monacos dhe Kombëtares franceze aktualisht pa skuadër, u dënua me 2 vite burg me kusht dhe u njoftua gjithashtu për detyrimin për trajtimin dhe dëmshpërblimin e viktimës në shumën 6500 euro, nga të cilat 1500 për shpenzime ligjore dhe 5000 për dëm moral.
Francezi më pas u sanksionua për refuzimin e përmbushjes së detyrimit me një gjobë të mëtejshme prej 5000 eurosh dhe pezullimin e lejes së drejtimit për një periudhë prej 6 muajsh.
Prokurori publik më 15 tetor të vitit të kaluar kishte kërkuar 2 vjet e 6 muaj burgim. Ben Yedder kishte paguar një garanci prej 900 mijë eurosh për një tjetër të re që e kishte akuzuar për përdhunim dhe për këtë ishte tashmë në syrin e autoriteteve.
Ben Yedder ishte përpjekur të shfajësohej kështu në gjykatë: “Kam pirë e kam pirë për dy, tri ditë… Nuk mbaj mend çfarë ka ndodhur. Për shkak të alkoolit, kam probleme me kujtesën. Nuk kam qenë vetvetja, e di që është keq, por isha nën efektin e alkoolit: jam një person i vetmuar, e kam të vështirë t’u besoj njerëzve, sepse në të kaluarën më kanë tradhtuar në disa afera dhe kështu kam gjetur strehë vetëm tek alkooli, por e kuptoj që ishte gabimi më i keq imi, i kërkoj sinqerisht falje vajzës, familjes sime…”.
/ESPN/
