Kombëtarja shqiptare U-21 do të luajë dy ndeshje miqësore më 15 dhe 18 nëntor ndaj Moldavisë. Kuqezinjtë nisin të hënën grumbullimin për këto dy takime, ndërsa trajneri Alban Bushi ka publikuar listën me emrat e 22 lojtarëve të ftuar.
Tetë lojtarë vijnë nga klubet e kampionatit shqiptar, ndërsa futbollistët e tjerë aktivizohen në kampionatet jashtë vendit.
Në listë bie në sy emri i mbrojtësit të Arsenalit, Maldini Kacurri, i cili grumbullohet për herë të dytë nga Bushi, por vërehet edhe mungesa e dy vëllezërve që luajnë në futbollin italian, Cristian dhe Stiven Shpendi.
Po ashtu mungon Fetah Fetahi, i cili ka fituar besimin e teknikut brazilian Silvinjo duke u grumbulluar sërish nga Kombëtarja A për sfidat e Ligës së Kombeve që do të luhen përballë Çekisë dhe Ukrainës me 16 dhe 19 nëntor në “Air Albania”.
Të dy takimet miqësore do të zhvillohen në stadiumin e Vorës. Kuqezinjtë do të luajnë takimin e parë më 15 nëntor, në orën 14:00. Më 18 nëntor, shpresat do të zhvillojnë edhe ndeshjen e dytë po në orën 14:00.
Më poshtë, edhe lista me emrat e 22 lojtarëve të ftuar nga stafi teknik i Kombëtares U-21:
