Emiliano Martinez, portieri i Argjentinës dhe Aston Vilës, ia ka dalë të përsëritë suksesin e edicionit të kaluar duke fituar përsëri trofeun “Jashin” që i jepet portierit më të mirë.
Votat e gazetarëve kanë përzgjedhur përsëri argjentinasin si më të mirin, para Donnarumës, Unai Simon, Menja dhe Lunin.
Një ngjarje e rrallë kjo, pasi zakonisht ka pasur shumë më tepër rivalitet mes portierëve në të kaluarën dhe suksesi në ceremoni të tilla në dy vite radhazi ishte thuajse i pamundur.
