Një person ka humbur jetën tragjikisht këtë të enjte në fshatin Shalës të Cërrikut. Viktima është shtetasi S. R., 65 vjeç, banues në fshatin Shalës, i cili është dërguar pa shenja jete në spital.
Burimet zyrtare raportojnë se nga veprimet e para hetimore dhe nga deklarimet e familjareve dyshohet se 65-vjeçari, duke punuar me mjet bujqësor (frezë dore), aksidentalisht është dëmtuar nga freza dhe si pasojë e plagëve të marra ka humbur jetën.
Grupi hetimor po punon për sqarimin e plotë të rrethanave të ngjarjes.
