Nuk mund të kishte kajm më të keq nga infermieria për Bayer Leverkusen. Amine Adli, mesfushori maroken i “Aspirinave”, doli i dëmtuar nga ndeshja e mbrëmshme kundër Brestit (1-1) për shkak të një problemi në kyçin e këmbës.
“Jemi shumë të shqetësuar për Adlin. Lëndimi i kyçit të këmbës është lajmi i keq i ditës. E pashë në dhomat e zhveshjes, dukej se kishte shumë dhimbje”, tha trajneri spanjoll. Dhe frika u konfirmua.
“Bayer 04 do të jetë pa Amine Adli për një periudhë të gjatë. Sulmuesi pësoi një frakturë në fibulën e majtë gjatë ndeshjes së kampionëve gjermanë në UEFA Champions League kundër Stade Brest mbrëmë (1:1). Adli do të operohet sot pasdite në klinika ATOS Orthoparc nga Dr. André Moraëe dhe mjeku i ekipit Philipp Ehrenstein.
24-vjeçari maroken do të përfundojë më pas rehabilitimin e tij në “Werkstatt”, qendra stërvitore dhe rehabilituese e Leverkusenit në “BayArena”. Adli pritet të jetë jashtë fushës deri në janar 2025”.
Lajm që shkakton vetëm dëshpërim te Leverkuseni. Lojtari do t’i nënshtrohet një operacioni pasditen e sotme, siç thuhet në njoftimin për shtyp dhe për këtë arsye Adli do të qëndrojë në infermieri për dy muaj nga tani deri në vitin e ri.
Mes angazhimeve të ndryshme të kampionatit dhe Champions League, do të mungojë edhe ndeshjen kundër Interit, e planifikuar për në 10 dhjetor, në “BayArena”.
