Dy të rinj nga Divjaka janë arrestuar pasi kanë goditur me thikë dy të mitur.
Ata janë identifikuar si Klajdi Allko 21 vjeç dhe Erjon Mekshi 18 vjeç. Ndërkohë në gjendje të lirë do të hetohet edhe një 17-vjeçar.
Thika u sekuestrua në cilësinë e provës materiale.
“Specialistët për Hetimin e Krimeve të Rënda të DVP Fier arrestuan shtetasit K. A., 21 vjeç, dhe E. M., 18 vjeç, të dy banues në Divjakë, si dhe u referuan materialet në Prokurori ku nisi procedimi penal për një shtetas të mitur 17 vjeç, pasi këta 3 shtetas, për motive të dobëta, kanë goditur me mjet prerës (thikë), 2 shtetas të mitur. Mjeti prerës u sekuestrua në cilësinë e provës materiale”, informoi sot policia.
Materialet procedurale i kaluan Prokurorisë për veprime të mëtejshme.
