Kombëtarja e Zvicrës do të luajë sonte kundër Danimarkës në orën 20:45, ku do të jetë nën presion për të fituar pas tri humbjeve në startin e Ligës së Kombeve.
Por kjo do të jetë një natë emocionuese për këtë kombëtare teksa do t’i japin lamtumirën zyrtare Xherdan Shaqirit (33 vjeç, 125 ndeshje ndërkombëtare), Fabian Schär (32 vjeç, 86 ndeshje ndërkombëtare) dhe Yann Sommer (35 vjeç, 94 ndeshje ndërkombëtare).
Treshja e cila ka formuar ekipin kombëtar prej vitesh njoftuan dorëheqjen e tyre menjëherë pas përfundimit të Euro 2024 kompeticion ku arritën deri në çerekfinale.
Siç informon SFV, tre ish-lojtarët do të nderohen për arritjet e tyre rreth 35 minuta para fillimit në St. Gallen dhe do të marrin lamtumirën e tyre zyrtare me kombëtaren në një sfond të denjë.
Shaqiri ka luajtur 125 ndeshje për kombëtaren helvete dhe ka shënuar 32 gola e ka dhënë 34 asiste. Ai është futbollisti i vetëm zviceran që ka luajtur në shtatë turne të mëdha, nga Kupa e Botës 2010 deri në Euro 2024.
