Mesfushori i Shqipërisë, Adrion Pajaziti është thirrur për herë të parë nga trajneri Silvinjo.
21-vjeçari doli në konferencë për shtyp sot ku pranoi se dëshiron që të punojë fort që të thërritet gjithmonë me kombëtaren.
Ai tha se ndihet gati për të luajtur në çdo moment që Silvinjo do ia kërkojë diçka të tillë.
“Besoj që jam shumë gati pasi jam në formë të mirë, kam pasur një parasezon shumë të mirë dhe kam luajtur çdo ndeshje në Kroaci, kam shumë besim tek vetja dhe jam gati. Jam mesfushor ofensiv, kudo që trajneri mendon që mund të bëj impakt aty do të luaj. Fola me mamin direkt kur mora vesh për ftesën, kanë qenë të gjithë të lumtur dhe krenar në atë moment. Duhet të pyes trajnerin për të ditur arsyen pse më zgjodhi, formën që jam duke kaluar por edhe ato golat atje. E kam shikuar pak Demollarin i cili është legjendë e Shqipërisë, do të tentoj dhe unë të bëhem një legjendë si ai.
Në Kombëtare më pëlqen Asllani dhe Bajrami mund të kombinohemi mirë, kanë pasur shumë sukses, jashtë kombëtares më pëlqen Modriç, me cilësi të mira. Nuk do të jetë e lehtë por jam gati dhe cilësi e vetëbesim, djemtë më kanë ndihmuar që të jem rehat me zor po pres stërvitjen. Unë dua gjithmonë të tregoj veten dhe të thirrem gjithmonë jo vetëm njëherë, dhe për tu kualifikuar në Botëror. Jam gati për çdo moment që trajneri do të vendosë për mua”, deklaroi Pajaziti.
