Dinamo siguroi një fitore mjaft të rëndësishme dy ditë më parë ndaj Laçit. Skuadra e Ilir Dajës triumfoi 2-1 ndaj kurbinasve, me golat që u shënuan nga Zabërgja dhe Itodo.
Pa frikë mund ta themi se tashmë dinamovitët kanë gjetur lojtarin “gol” dhe Itodo po bën paraqitje fantastike në këto javët e para të kampionatit.
Në 7 ndeshje të zhvilluara në kampionat, 21-vjeçari ia ka dalë të shënojë 5 gola dhe të dhurojë edhe 2 asiste, duke u kthyer në lojtarin kyç të Ilir Dajës.
Me golin ndaj Laçit, nigeriani i ka dërguar një “sms kërcënues” Bekim Balajt për kreun e golashënuesve. Kujtojmë se tashmë shkodrani ka kuotë të njëjtë golash me Itodon, po në aq ndeshje.
