Policia ka reaguar në lidhje me përfshirjen nga flakët të Komisariatit të Shijakut, teksa bën me dije se zjarri ka rënë në zyrën e ndihmës/specialistit të rendit.
Policia thekson në njoftimin e sa se nga veprimet e para hetimore paraprakisht dyshohet se zjarri ka rënë si pasojë e një shkëndije elektrike dhe se AMP po heton ngjarjen.
Njoftimi:
Shijak /Informacion paraprak
Rreth orës 18;30, në katin e dytë të Komisariatit të Policisë Shijak, në zyrën e ndihmës/specialistit të rendit ka rënë zjarr.
Menjëherë kanë ndërhyrë shërbimet zjarrfikëse duke bërë të mundur fikjen e zjarrit.
Nga veprimet e para hetimore paraprakisht dyshohet se zjarri ka rënë si pasojë e një shkëndije elektrike.
Grupi hetimor dhe Agjencia Rajonale e Mbikëqyrjes Policore po punojnë për sqarimin e rrethanave dhe shkakut të saktë të rënies së zjarrit.
