Julian Meçe ka dëshmuar këtë të hënë në seancën gjyqësore për çështjen e vrasjes së Klodian Saliut, ngjarje e ndodhur më 26 shkurt të vitit 2005 , si dhe vrasjen e Vajdin lamajt me eksploziv më 27 shkurt të vitit 2005 në Durrës.
Për këto dy vrasje akuzohen si të përfshirë Indrit Taullau, Lulzim Berishën, Emiljano Shullazi dhe Luftar Reçi. Dëshmia e Julian Meçes është kërkuar nga disa prej avokatëve në proces.
Para togave të zeza, ai u pyet për të penduarin e drejtësisë, Luftar Reçi, por theksoi se nuk e njihte. Luftar Reçi la pretenduar se në 2004 në një drekë të shtruar pasi Lulzim Berisha i shpëtoi një atentati është ulur një një tavolin me Julian Meçe, ku ndodheshin edhe rreth 20 persona të tjerë, por ky i fundit e mohoi një fakt të tillë.
Julian Meçaj deklaroi në gjyq se në kohën kur përmendet në dëshminë e Luftar Reçit ka qenë në burg. Gjithashtu zbardhi edhe detaje nga biseda në Dubai me Plaurent Dervishanj, i cili u ekstradua së bashku me të.
“Luftar Reçin as nuk e njoh dhe as nuk kam patur lidhje deri kur nisi ky proces. Nga viti 2004-2011 unë kam qenë duke vuajtur një dënim për trafikim narkotikësh në Itali. Lul Berishën e njoh, kemi pasur miqësi. Edhe me Lentin (Plaurent Dervishaj), njihem, kam miqësi, kemi qenë komshinj në Durrës. Kur ne kemi qenë në Dubai bashkë me Lentin, dhe u lëshuan masat e sigurimit, Plaurenti shprehu habi dhe u indinjua duke thënë se nuk kishte lidhje. Ai me tha se asgjë nuk e ka lidhur me Viktor Imerin e Emiljano Shullazin. Lenti shprehu indinjatë që Prokuroria nuk mori parasysh edhe prova të tjera që e shfajësojnë atë në lidhje me vrasjet”, tha Julian Meçaj.
Julian Meçe akuzohet nga SPAK si i përfshirë në atentatit ndaj ish-prokurorit Arjan Ndoj më 1 nëntor të vitit 2019 tek mbikalimi i Shkozetit, i cili ndodhej në makinë bashkë me Aleksandër Lahon alias Pëllumb Muharremi, i njohur si “Rrumi i Shijakut”, ku në atë ngjarje humbi jetën shoferi i ish-prokurorit, Andi Maloku.
Sipas autoriteteve, Julian Meçaj, nga hetimet është identifikuar si një nga autorët, duke e kryer këtë krim në bashkëpunim me shtetas të tjerë, duke përfshirë dhe Ramazan Rrajën.
