Kryeministri në detyrë i Libanit Najib Mikati deklaroi të dielën se rreth një milion njerëz janë zhvendosur për shkak të konfliktit ndërmjet Izraelit dhe Hezbollahut. Ai e cilësoi këtë si valën më të madhe të shpërnguljeve në historinë e vendit.
Kreu i qeverisë tha se Libani mund të reagojë vetëm në mënyrë diplomatike për atë që po ndodh në territorin e vendit.
Ministria e Shëndetësisë së Libanit thotë se nga sulmet e ushtrisë izraelite që nisën më 23 shtator janë vrarë të paktën 816 njerëz dhe janë plagosur mbi 2 mijë e 500.
Komuniteti ndërkombëtar ka paralajmëruar se sulmet izraelite në Liban mund të përshkallëzojnë konfliktin e vazhdueshëm të Gazës në një luftë më të gjerë rajonale.
Një pjesë e të shpërngulurve po shkojnë në shtetet fqinje, por dhe në Greqi.
