Komiteti Ekzekutiv i Unionit Ndërkombëtar të Demokracisë ka nderuar me një minutë heshtje ish-deputetin e Partisë Demokratike, Gerti Bogdani, i cili u nda nga jeta në moshën 44-vjeçare javën e kaluar pas një arresti kardiak.
Nderimet për ish-deputetin demokrat u bënë në takimin e rradhës të këtij Forumi më datë 23 shtator me kerkesen e presidentit, Stephen Harper.
Në takim, Partia Demokratike përfaqësohej nga deputetja dhe Kryetarja e LDG-së, Albana Vokshi. Pjesë e takimit ishte edhe miratimi i aplikimeve për anëtarësim të dy partive italiane, Fratelli d’Italia dhe Forza Italia, te cilat u mbeshtetën nga përfaqesuesja e PD-së.
Unioni Ndërkombëtar i Demokracisë është e vetmja organizatë ndërkombëtare me parti anëtare nga të gjithe kontinentet. Shumë nga anëtarët e saj vijnë nga demokracitë e sapokrijuara gjatë viteve ’90.
