Granada ka zyrtarizuar trajnerin e ri. Klubi ku aktivizohet Myrto Uzuni ka firmosur me Fran Escribá. Lajmi është bërë publik nga skuadra e La Liga 2, nëpërmjet një postimi në rrjetet sociale.
“Klubi i Futbollit të Granadës ka arritur një marrëveshje me Fran Escribá për të qenë trajneri i ri i ekipit të parë të rojiblanco” – shkruan klubi.
59-vjeçari spanjoll ka drejtuar më parë skuadra si Elche, Getafe, Villareal, Celta Vigo dhe së fundmi Zaragoza.
Objektivi kryesor i Granadës tani është rikthimi sa më shpejt të jetë e mundur në elitë.
