Arbitri shqiptar, Juxhin Xhaja, do të jetë kryesori i sfidës AZ Alkmaar-Elfsborg sfidë e vlefshme për raundin e parë të Europa League.
Gjithashtu, asistentët e tij do të jenë shqiptarë, konkretisht Arbër Pema dhe Rejdi Avdo, ndërsa në rolin e arbitrit të katërt është emëruar Albert Doda.
Përsa i përket dhomës së VAR-it, Xhaja do të ndihmohet nga dyshja angleze. Stuar Attwell dhe Peter Bankes do të jenë në dhomën e VAR për të parë momentet e dyshimta.
Kjo ndeshje do të zhvillohet të mërkurën në stadiumin “AFAS Stadion” duke filluar nga ora 18:45.
