Teksa na ndajnë më pak se një vit nga zgjedhjet parlamentare të vitit 2025, Partia Demokratike po zgjedh krytearët e degëve në diasporë, ku emigrantët do të votojnë për herë të parë.
Pas votimit të Kodit Zgjedhor për votën e diasporës, Partia Demokratike në Itali, nën drejtimin e kryetarit Bardhok Doda, nënkryetarit Dritan Beqiri dhe strukturat kanë filluar punën për organizimin e diasporës shqiptare në shtetin fqinj.
Së fundimi, është zgjedhur edhe kreu i degës së Partisë Demokratike në Parma të Italisë, ku është zgjedhur Danjel Delhysa.
Në garë mori pjesë edhe Përparim Kurçani, teksa Delhysa u zgjodh kryetar me 77% të votave.
Të pranishëm ishin edhe dy deputete të Forza Italia, Erica Mazzeti dhe Rosaria Tassinari, nga Shqipëria ka qenë e pranishme edhe deputetja e PD, Albana Vokshi.
