Linda Rama, bashkëshortja e kryeministrit Edi Rama, ka marrë pjesë në homazhet që po mbahen në ambientet e Kuvendit në nderim të ish-deputetit të PD-së, Gerti Bogdani.
Linda Rama u ka shprehur ngushëllimet familjarëve dhe miqve të ish-deputetit të ndjerë në ceremoninë e organizuar në Kuvendin e Shqipërisë.
Ajo ka shkuar në homazhe në mungesë të bashkëshortit të saj, pasi kryeministri Edi Rama ndodhet në Bruksel në një drekë pune të organizuar me liderët e Ballkanit Perëndimor nga Presidentja e Komisionit Evropian, Ursula von der Leyen.
