Ditën e sotme iu dha lamtumira e fundit ish-deputetit demokrat Gerti Bogdani, teksa familjarët e tij duket se janë shkatërruar nga ikja para kohe e ish-ligjvënësit.
Kunati i tij, Arbër Çepani, i cili nuk i mban dot lotët në nisje të intervistës në Top Channel, kur flet për 44-vjeçarin që jeta iu ndërpre në mes papritur pas një arresti kardiak.
“E kam të pamundur të flas për Gertin, por donte Edlira të isha këtu, dhe e di që do donte dhe ai që të isha këtu. Do doja të flisja për gjëra të tjera për Gertin, jo pasi bëmë funeralin. Por Edlira donte të isha këtu, që të flisnin njerëz që e donin dhe i donte.
Gertin se quaj dot kunat, e kisha dhe shok e kisha këshillues, ishte për ne si një mal, çdo problem të kishim e kishim Gertin si një mal, ta shikonim Gertin në atë gjendje, që nuk bënim dot asgjë për të… boshllëku është i pakuptueshëm fare.
Edlira mbante celularin në dorë, i thoja ma jep celularin ta mbaj unë, dhe më thoshte se ‘jo se mos më shkruan Gerti”. Shihte gjithmonë nga celulari se mos i shkruante. E kam të pamundur të jem sonte këtu, por donte Edlira”, tha ai mes lotëve.
