Sivasspor dhe Gaziantep barazuan 1-1 në pjesën e parë të ndeshjes së vlefshme për raundin e pestë në elitën turke të futbollit.
Në këtë duel për vendasit shënoi Rey Manaj, sulmuesi i Kombëtares. Përballja nisi mirë për Gaziantep, që gjeti golin me Maxim pas vetëm gjashtë minutave.
Ndërkohë që për golin e barazimi mendoi Rey Manaj. Duhej minuta e 37-të që një krosim nga këndi të shfrytëzohej nga lushnjari dhe me kokë të barazonte ndeshjen.
⚽️ Rey Manaj
— Football Albanais (@FutbolliShqipFR) September 14, 2024
Por vetëm pesë minuta pas golit, Manaj la fushën i dëmtuar duke u zëvendësuar. Lëndimi duket muskulor dhe do jenë testet që do tregojnë edhe gradën e dëmtimit.
Në pesë ndeshjet e këtij sezoni, Rey gjeti golin e parë, ndërsa kujtojmë se sezonin e shkuar Manaj shënoi në Turqi 22 gola, duke qenë sulmuesi i tretë më i mirë pas Dzekos dhe Icardit.
