Një operatore turistike në kryeqytet ka ngritur një skemë të mirëfilltë mashtrimi pre e së cilës kanë rënë me dhjetëra qytetarë.
27-vjeçarja me ininciale A.Gj, banuese në Tiranë, duke shfrytëzuar detyrën e saj si operatore në një kompani turistike fuste në “grackë” klientët e saj. Ajo u rezervonte biletat e udhëtimit për klientë të ndryshëm dhe pasi u merrte paratë iu anulonte atyre biletave.
“Specialistët e Sektorit për Hetimin e Krimit Ekonomik dhe Financiar arrestuan shtetasen A. Gj., 27 vjeçe, banues në Tiranë. Kjo shtetase dyshohet se duke shfrytëzuar detyrën e saj si operatore në një kompani turistike, rezervonte bileta udhëtimi për klientë të ndryshëm dhe pasi përvetësonte pagesat e kryera, bënte anulimin e biletave”, njofton Policia.
Materialet i kaluan prokurorisë për veprime të mëtejshme.
