Shqipëria U21 triumfoi me rezultatin 1-2 me përmbysje në transfertë ndaj Zvicrës U-21, takim i vlefshëm për Kualifikueset e Europianit të kësaj grupmoshe.
Vendasit gjetën të parët rrugën e rrjetës në minutën e 16-të me Surdez, ndërkohë që festa e tyre zgjati vetëm 2 minuta, pasi Pajaziti arriti të vendoste baraspeshën në minutën e 18-të.
Pjesa e parë u mbyll me rezultatin 1-1, ndërkohë që në minutën e 69-të, ishte sërish Pajaziti ai që shënoi golin e dytë i cili rezultoi golin i fitores me përmbysje.
Në minutën e 85-të, Zvicra kishte shansin ideal të barazonte shifrat me Nikolas Muçin, por talenti shqiptar i cili luan për helvetët, gaboi nga pika e bardhë e penalltisë, duke u ndalur nga portieri Lilo.
Me këtë triumf kuqezinjtë u ngjitën në kuotën e 13 pikëve. Shanset për vendin e dytë janë minimale, pasi Zvicra ka 2 ndeshje më pak, ndërsa Shqipëria do të luajë vetëm 1 përballje, atë ndaj Armenisë.
