Drejtori i RTSH-së, Alfred Peza, ka dhënë dorëheqjen nga posti. Ai i ka dorëzuar letrën e largimit nga posti të Këshillit Drejtues të RTSH-së ditën e sotme (6 Shtator).
“Të nderuar, Në zbatim të ligjit nr. 97, datë 04. 03. 2013 “Për mediat audiovizive në Republikën e Shqipërisë dhe vendimit të Kuvendit të Republikës së Shqipërisë nr. 98, datë 22. 12. 2016 “Për miratimin e statutit të RTSH”; ju paraqes dorëheqjen, në mënyrë të parevokueshme, nga pozicioni i Drejtorit të Përgjithshëm të RTSH. Duke ju falënderuar për bashkëpunimin, Me respekt DREJTORI I PERGJITHSHEM Alfred PEZA”, thuhet në letrën dorëzuar Këshillit Drejtues të RTSH-së.
Prej shumë kohësh, Peza u përfshi në një debat lidhur me mënyrën se si po e drejtonte Radio Televizionin Shqiptar.
Ish-deputeti i Partisë Socialiste Alfred Peza është zgjedhur si Drejtor i Përgjithshëm i Redio Televizionit Shqiptar më 13 qershor. Peza arriti të siguronte 9 vota nga anëtarët e Këshillit Drejtues të RTSH-së.
Ende nuk dihet se cili do të jetë zvendësuesi i Pezës në krye të RTSH-së.
LEXO EDHE:
“Në vdekje klinike”/ Alfred Peza përballet me kritika për spastrime masive në RTSH
