Një 34-vjeçar shqiptarë ka rënë në prangat e policisë italiane. Mësohet se shqiptari u ndalua në Bolzano, teksa po tentonte të kalonte kufirin drejt Austrisë.
Siç raportohet 34-vjeçari shqiptar ishte me shumë dënime penale për krime të natyrave dhe rëndesave të ndryshme, veçanërisht për trafik droge.
Gjithashtu në vitin 2022, ishte dëbuar nga Autoritetet e Sigurisë Publike të Monzës dhe nga Bari dhe ishte kthyer në Shqipëri. Prej këtu, së fundmi, ai ishte kthyer në Itali ilegalisht pasi kishte marrë një pasaportë të re shqiptare me të dhëna të ndryshme personale.
Duke pasur parasysh të dhënat personale të rreme dhe sasinë e krimeve ndaj tij, oficerët e Brenerit e arrestuan atë në pritje të vendimeve të Autoritetit Gjyqësor.
