Pesë persona janë vënë nën akuzë në lidhje me vdekjen e aktorit, Matthew Perry, i cili u nda nga jeta vitin e kaluar. Në mesin e personave të akuzuar janë dy mjekë dhe asistenti i aktorit.
Prokurori Martin Estrada njoftoi për ngritjen e akuzave duke thënë se mjekët e furnizuan Perry-n me sasi të madhe të ketaminës dhe madje gjatë një bisede ata shprehshin se ish-ylli i Friends ishte gati të paguante.
Perry vdiq në tetor për shkak të mbidozës me ketaminë. Atij i ishin injektuar disa doza nga asistenti i tij personal me këtë substancë në ditën kur vdiq.
Aktori Perry për dekada kishte abuzuar me substanca narkotike dhe viteve të fundit ishte trajtuar për depresion, ankth dhe dhimbje.
