Mediat amerikane bëjnë me dije se një person është arrestuar ditët e fundit në lidhje me vdekjen e yllit të serialit “Friends”, Matthew Perry.
Aktori 54 vjeçar, u gjet pa ndjenja në shtëpinë e tij në Los Anxhelos në tetor të vitit të kaluar. Një ekzaminim pas vdekjes zbuloi se shkaku ishin “efektet akute të ketaminës”, një ilaç i kontrolluar të cilin ai po merrte si pjesë e terapisë së mbikëqyrur.
Policia e Los Angeles hapi një hetim në maj për të përcaktuar pse Perry kishte sasi kaq të mëdha të këtij ilaçi në trupin e tij.
ABC News dhe TMZ raportuan se disa njerëz janë arrestuar dhe po përballen me akuza federale. Media të tjera, përfshirë NBC Neës, thanë se të paktën një arrestim ishte bërë pa dhënë detaje të mëtejshme.
