Lille i Edon Zhegrovës ka siguruar kalimin në Play off të Ligës së Kampionëve duke eliminuar në fazën e tretë të kualifikueseve Fenerbahcen.
Ka përfunduar shpejt kështu aventura e Mourinhos në Champions League me skuadrën turke, në një ndeshje dramatike në “Şükrü Saracoğlu”.
Në takimin e parë, francezët fituan 2-1 me golin e dytë të realizuar nga Zhegrova, ndërsa takimi i kthimit u mbyll 1-0 në kohën e rregullt pas një autogoli në minutën e 91-të duke çuar ndeshjen në shtesë.
Në minutën e 109, skuadra franceze mbeti me një lojtar më pak, por nuk u dorëzua. 4 minuta nga fundi, Lille fitoi një penallti tejet të diskutueshme për prekje të topit me dorë, të cilën e ktheu në gol amerikani David, duke vulosur eliminimin e Fenerbahce-s.
