Anëtari i këshillit bashkiak, Dorian Teliti, ka fulur mbi shkresën e dorëzuar sot në bashkinë e Tiranës, ku i bën thirrje bashkisë të dorëzojë kontratat që Ka lidhur me kompanitë e punësuara për të bërë procesin e transparencës në bashki.
Teliti është shprehur se kompanitë kanë filluar punë sipas Veliajt, dhe në momentin që kanë filluar punë kontratat kanë hyrë në fuqi.
Sipas Telitit këtu flitet për 3 kompani të cilat pas një hulumtimi që ai ka bërë, janë kompani të mëdha të cilat kushtojnë me miliona euro, nuk vijnë këtu gratis në Shqipëri.
“Unë bashkë më kolegun Xhonatan Pano shkuam në organin e bashkisë së Tiranës dhe dorëzuam shkresat zyrtare ku bashkia Tiranë , Erjon Veliaj dhe kordinatorja e tij për informim publik kanë 10 ditë kohë për të dhënë përgjigje. Në rast të kundërt do ti drejtohemi komisionerit për informim publik dhe më pas të gjitha instancave të gjyjqësorit pasi transparencë mbi ktë aferë dhe afera të tjera do të bëhet, herët a vonë në Tiranë, është dicka e paimagjinueshme .
Këtu flitet për 3 kompani të cilat pas një hulumtimi që bëra, janë kompani të mëdha të cilat kushtojnë me miliona euro, nuk vijnë këtu gratis në Shqipëri. Me çfarë parash do ti paguaj Erion Veliaj këto?
Si është e mundur që ne për herë të parë, ndonse ai e ka të miratuar me votat e maxhoancës në ate 7 minutëshin e famshëm në 22 Dhjetor të vitit 2023 kur miratoi për 7 minuta për 313 sekonda buxhetin e 2024, në asnjë zë prej tyre nuk flitej për kontrata të tilla.
Në Veliajt i bëjmë kërkesë, i bëjmë dhe sfidën, dil dorëzo përpara qytetarëvë dhe përpara të gjithë aktorëve mediatik, të dy kontratat , dy marrëveshjet.
Kanë filluar punë tha zotëria, në momentin që kanë filluar punë kontratat kanë hyrë në fuqi.
Nxir kontratat dhe bëj publike , mjaft i mbajte nëpër sirtare”, tha Teliti.
