Tirana triumfoi pasditen e sotme me rezultatin 1-2 në miqësoren e zhvilluar ndaj Burrelit të Ditmar Bicajt, në fushën e matjanëve.
Në këtë përballje, Bledi Shkëmbin, e ka ngrohur fakti se janë zhbllokuar, sulmuesit, teksa rrugën e rrjetës e gjetën Bajroviç dhe Prenga, teksa për Burrelin realizoi Hoze.
Vlen të theksohet fakti se të 3 golat u shënuan në pjesën e parë, ndërkohë që fragmenti i dytë nuk prodhoi gola.
Tashmë bardheblutë e Shkëmbit, bëhen gati për startin e sezonit, ndërkohë që Burreli militon në Kategorinë e Parë dhe do të tentojë të jetë surpriza e këtij edicioni.
