Niclas Fullkrug është zyrtarisht lojtari më i ri i skuadrës së West Ham. Sulmuesi gjerman ka firmosur për katër sezonet e ardhshme me klubin e “The Hammers”.
Këtë lajm e ka publikuar vetë West Ham përmes faqes zyrtare, ku shprehet se sulmuesi mbyll aventurën me Borussia Dortmund për t’u bashkuar me ta.
“West Ham United është i kënaqur të njoftojë nënshkrimin e qendërsulmuesit gjerman, Niclas Fullkrug. Sulmuesi bashkohet me Hammers nga Borussia Dortmund, teksa ka firmosur një kontratë 4-vjeçare”-shkruan klubi anglez.
Fullkrug u përfol edhe për një tranferim te Milan gjatë kësaj vere, megjithatë ai zgjodhi që ta vazhdojë karrierën e tij në Premier League te West Ham.
