Struga është eleminuar nga Conference League. Pyunik Yerevan siguroi kualifikimin pasi fitoi 3-1 në shtëpi. Kujtojmë se takimi i parë ishte fituar 2-1 nga Struga në Maqedoninë e Veriut.
Qatip Osmani dhe të tijët ëndërruan kualifikimin në turin e tretë, por gjithçka u prish me golin e Pyunik në minutën e 96. Pjesa e parë kishte përfunduar 2-1, ndërsa armenët e panë fillimisht veten në avantazhin e 2 golave.
Sigurisht që ky skualifikim nuk mund të quhet pa pengje. Mbyllet me kaq aventura europiane për kampionët e Maqedonisë së Veriut, që nuk ia dolën të spikasin ndryshe nga viti i kaluar.
