Notarja shqiptare Kaltra Meça e ka mbyllur në vendin e katërt garën e sotme në Lojërat Olimpike “Paris 2024”.
Në garën me not të lirë në 200 metra, Meça arriti një kohë prej 2 minuta e 12 sekondash dhe 21 të qindtat.
Në vendin e parë u rendit India, në vendin e dytë, Laos, ndërsa në të tretin Pakistani.
Shqipëria në vendin e katërt pati një start të mirë, por më pas u ndje lodhja tek 16-vjeçarja, e cili mbeti 6 sekonda pas vendit të parë.
Në këtë mënyrë notarja shqiptare e mbyll pa medalje në këtë garë, por që gjithsesi performanca e adoleshentes ishte për t’u duartrokitur.
Gara u plotësua nga notarja e Emirateve të Bashkuara Arabe që u rendit në vendin e pestë, Arabia Saudite në vendin e gjashtë dhe Nepali në vendin e fundit, pra të shtatin.
Të martën (30 korrik) do të jetë radha e notarit 18-vjeçar Grisi Koxhaku për të garuar në Lojërat Olimpike.
