Shkodra është përfshirë sërish nga ngjarje kriminale natën e kaluar. Mësohet se janë djegur dy automjete, teksa katër minuta më pas është regjistruar dhe një shpërthim me tritol në derën e një banese.
Më konkretisht, rreth orës 03:32 në lagjen “Kongresi i Përmetit” janë djegur dy makinat tip “Benz” dhe “BMW” që ishin në pronësi të Erdi Krajës.
Ndërkohë, rreth orës 03:36 i është vendosur një sasie tritoli në derën e banëses shtetasit Robert Gera në lagjen “Mark Lula”. Raportohet se si pasojë e shpërthimit ka patur vetëm dëme materiale.
Nga hetimet paraprake, burime bëjnë me dije se ngjarjet nuk kanë lidhje me njëra-tjetrën. Grupi hetimor po punon për sqarimin e plotë të rrethanave të ngjarjes dhe për kapjen e autorëve.
